Sabína Steinunn Halldórsdóttir
Í varastjórn hæglætishreyfingarinnar á Íslandi
Ég er með meistargráðu í íþrótta- og heilsufræðum með áherslu á hreyfingu barna. Ég starfa sem framhaldsskólakennari og rek fyrirtækið mitt Færni til framtíðar. Ég bý á Selfossi og á annan heimavöll sem er Laugarvatn.
Áhugamálin mín eru heilsa, náttúran, útivist, útivera og hreyfing í víðu samhengi. Ég hef mikinn áhuga á vellíðan, mannrækt og félagsleg heilsa er mér hugleikin. Þess utan hef ég áhuga á ljósmyndun, landafræði og lúmskan áhuga á mat þó ég sé ekki mikill kokkur.
Náttúran er minn heimavöllur þar sem ég fæ mína hleðslu. Vel að verja sem mestum tíma úti í náttúrunni með fjölskyldunni minni til að njóta gæðastunda í hæglæti.
Náttúran hefur einhvern kraft - mátt sem erfitt er að lýsa í orðum. Tilfinning og vellíðan sem kallar á mig daglega.
Ég er með Instagram síðu og Facebook síðu utan um mitt fyrirtæki sem heitir Færni til framtíðar.
Tilgangur samfélagsmiðla þinna: Á mínum miðlum legg ég áherslu á börn, hreyfifærni barna, hreyfingu barna og skynþroska þeirra. Ég einblíni á náttúruna og kem með hvetjandi hugmyndir fyrir foreldra sem vilja verja gæðastundum í náttúrunni.
