Pálína Ósk Hraundal

Í varastjórn hæglætishreyfingarinnar á Íslandi

Ég bý í Osló, í útjaðri borgarinnar nálægt skógi og sveit. Þar bý ég ásamt þremur börnum, manni og hundi. Í daglegu lífi notum við umhverfið og náttúruna í kringum okkar markvisst í uppeldi barna okkar með meðvituðum samverustundum 

 

Ég starfa sem menningarfulltrúi hér í Osló og sem útivistarfyrirlesari og útivistarkennari. Ég hef yfir áratugs reynslu af starfi með öllum aldurshópum. Í starfi mínu hef ég lagt áherslu á andlegan og líkamlegan ávinning þess að bæta inn fleiri útistundum í náttúrunni inn í daglegt líf okkar án mikillar fyrirhafnar. 

Hæglætisáherslur mínar eru hæglæti í fjölskyldulífinu. Hæglæti í uppeldi barna. Hvernig við getum verið meðvitaðri með hverju aldursstigi og notið þess að gera meira með því að gera minna. Í þessum áherslum nota ég náttúruna og umhverfið okkar mjög mikið til þess að ná ró og slökun inn í annars mjög annasaman hversdagsleika.

​

Útivist er aðal áhugamálið mitt. Ég reyni að verja sem mestum tíma utandyra og byrjaði mjög snemma að taka börnin með mér í ævintýrin. Uppeldi, sköpun og samskipti eru einnig áhugamál sem ég gef mjög meðvitað rými og tíma dagsdaglega.